ప్రపంచ నెంబర్‌ వన్‌ ర్యాంకర్‌ మాగ్నస్‌ కార్ల్‌సన్‌కు 18ఏళ్ల భారత గ్రాండ్‌ మాస్టర్‌ ప్రజ్ఞానంద షాక్‌ ఇచ్చాడు. నార్వే చెస్‌ టోర్నమెంట్‌లో కార్ల్‌సన్‌పై గెలిచి సంచలనం సృష్టించాడు.
క్లాసికల్‌ ఫార్మాట్‌లో కార్ల్‌సన్‌పై ప్రజ్ఞానందకు ఇదే తొలి గెలుపు. మూడో రౌండ్‌లో తెల్ల పావులతో ఆడి కార్ల్‌సన్‌పై పైచేయి సాధించి ఒక్కసారిగా చెస్‌ ప్రపంచానికి షాక్‌నిచ్చాడు.
ఈ గెలుపుతో ప్రజ్ఞానంద 5.5/9 పాయింట్లతో అగ్రస్థానానికి దూసుకెళ్లాడు. ఈ మ్యాచ్‌లో ఓడిన ప్రపంచ నెంబర్‌ వన్‌ కార్ల్‌సన్‌ ఐదోస్థానానికి పడిపోయాడు.
